Herold

Hagl og torever kan treffe våre område måndag føremiddag.

Det luktar ikkje godverspåske i år, om vi skal tru meteorologane. Yr.no melder no at lyn og torever er på veg innover kystområda våre dei komande timane måndag morgon.

Kombinert med kald luft og nedbør, kan det også gi haglbyer.

Midt på dagen måndag vil ruskeveret ta ein pause, og sola vil titte fram når vindretninga dreier frå aust og på sør.

Men betringa er forbigåande. I ettermiddag og kveld vil nedbøren vere tilbake.

Gjennom påskedagane er det dessverre lite å gle seg over på langtidsvarselet. Tysdag byr på ein tørr føremiddag fram til lunsj med litt solgløttt, men den beste dagen blir truleg skjertorsdag, med opphaldsver, lite vind, lettskya og sol.

Det skal også halde seg kaldt på kysten. Temperaturen kjem ikkje til å overstige åtte grader, spår dei verkyndige.