Fleirtallet i Molde kommunestyre ville ikkje være med på å finne ut av kor det blei av 15 millionar offentlege kroner.

Kan vi håpe på kontrollutvalget?

Bjørn Jacobsen

Kommunestyrerepresentant SV, Molde

Du leser nå et leserinnlegg. Det uttrykker innsenderens mening.

Dei støtta ikkje forslaget frå SV som lød: «Kommunestyret bestiller forvaltningsrevisjon av Molde Bærekrafthub og Molde kommunes forventa tap av 7 millioner kroner. Det bør og legges vekt på forholdet til brutte inngåtte avtaler med lokalt privat næringsliv og samarbeidet med Møre og Romsdal Fylkeskommune».

Fleire representantar i kommunestyret har inngåande kjennskap til saken enten som styremedlem i Molde Eiendom eller ansatt der. For ikkje å snakke om andre sentrale aktørar som må ha visst nokka om korsen denne økonomiske og politiske tragedien kunne oppstå.

Ingen av dei tok ordet. Leiaren i kontrollutvalget frå Frp kommenterte ikkje eingong forslaget under kommunestyrets behandling.

Då var dei meir gira på å ta opp kva som skjer i Interkommunalt arkiv i Ålesund. Interresant nok då tidlegare fylkeskommunedirektør er involvert i begge desse sakene.

Kontrollutvalget har møte 5. desember og kan bestemme å ta revisjon på Molde Bærekrafthub.

Eg tillet meg å foreslå for dei: «Om det er lite ressurser disponibelt til revisjon prioriteres revisjon av Molde Bærekrafthub foran Interkommunalt arkiv.»

Korfor er dette viktig? Fordi på utruleg vis blei eg og dei fleste i kommunestyret overtalt til å vedta noko som blei ei stor fadese.

Frp var dei einaste som ikkje lot seg leie inn i fristelse.

Sidan dei og har leiaren i Kontrollutvalget håpar eg på å få vite meir om prosessane bak då vi braut avtalen med lokalt privat næringsliv og ga oss direktørane på Fylkeshusa i vold.

No er initiativet og ansvaret hos dei som skal kontrollere alt vi politikarar og kommunedirektøren gjer. Kan vi håpe på ar denne saken blir opplyst?

Vil du skrive i På tråden? Send e-post til ordetfritt@r-b.no

Vil du skrive leserinnlegg? Send e-post til ordetfritt@r-b.no

Her finner du meningsstoffet i Nordvest debatt – Rbnetts meningsportal