Herold

Kristoffer Birkedal FrP og Reidar Thu FrP hadde i helga eit innlegg i Sandnesposten/Strandbuen med den noko svulstige overskrifta: Sandnes og Forsand er best saman! I forhold til kva, og i forhold til kven, spør me?

I innlegget blir det lagt fram mange reinspikka påstandar utan dokumentasjon.

Det vert hevda om den pågåande debatten, at det einaste den skader er innbyggjarane, samarbeidet og jobben dei har gjort. Forståeleg nok snakkar dei ingenting om det som Heidi Bjerga, SV, omtaler som den «rufsete inngangen til samanslåinga». Nemleg det at den politiske leiinga i Sandnes, som ved ikkje å ta avstand, men i staden støtta opp om, gav mindretalet i Forsand kommunestyre ryggdekning for lovbrotet den 6.6.2017.

Forsand og Sandnes er best sammen

I innlegget blir det lista opp kva fordeler Sandnes har av Forsand og motsett. Dei gløymer her det som nok for Sandnes var viktigast ved å sikra seg Forsand, nemleg kraftpengane.

Det kan difor vera nyttig for Birkedal og Thu, å lytta til representanten Heidi Bjerga når det gjeld kraftinntekter på avvegar, bort frå Forsandbygda og Ryfylke. Her snakkar me om store summar som er reine erstatningar til Forsandbygda der vasskrafta er utbygd.

Spesielt gjeld dette konsesjonskraft og konsesjonsavgifter. Viss dette er vanskeleg å forstå, så les dykk opp på vassdragsreguleringslova.

Gir seg ikke: – For oss er Sandnes som en sko i døra

Det blir også hevda at det skal ta 30-40 år før Ryfast er nedbetalt. Dette er feil. Etter gjeldande vedtak skal Ryfast vera nedbetalt innan 2041. Altså om 15 år.

Birkedal og Thu klamrer seg til sitt einaste halmstrå; at kommunestyret i Forsand på eitt tidspunkt i prosessen, vedtok ønskje om samanslåing med Sandnes. At fleirtalet snudde, vart overkjørt og sidan har kjempa mot, passar ikkje inn i deira historie.

Me vil også minna om prinsippdokumentet som låg til grunn for samanslåinga, der dei fleste av «gulerøtene» som Forsandbygda vart lova, i dag er borte.

Nei denne saka har handla om rå maktbruk frå ende til annan. Ein maktbruk som me ser fruktene av i denne debatten og som er skadelidande for innbyggjarane i Forsandbygda.

Sjokkbeskjed på rådhuset – verkebyllen som aldri gir seg