Herold

BØ: Midt-Telemark barne- og ungdomsteater briljerte på scenen før to nesten fulle hus i helga. Dei unge talenta imponerte stort i jakta på sjørøvarskatten.

Dei 20 kodespelarane frå 11-16 år, som alle er elevar ved Midt-telemark kulturskule, har øvd på stykket sidan i fjor haust. Det var premiere fredag kveld og TA var innom framsynimnga laurdag ettermiddag. Replikkane sat som spikra og dei unge utøvarane fascinerte både små og store i storsalen i Gullbring Kulturanlegg i Bø. Fredag var det kring 350 til stades, og dagen etter kom det nesten 400 for å få med seg dei unge talenta.

- Det blei nesten to fulle hus, seier kulturskulerektor Guri Røsok som smilte breitt etter av teateret var over laurdag.

Unge talenter i Bø

Tre jenter

Kristine Vreim har skrive dette stykket som handlar om dei tre foreldrelause systrer, Sunniva, Mimmi og Kim. Dei dreiv eit vertshus. Det dukkar opp eit sjørøvarkart og no vil jentene ut på ei reise for å finne skatten etter bestemora. I stykket dukkar det òg opp ein lokal høvding; "Sølv-Sveinung" frå Vreim i Bø. I 1663 hadde han heile 19 gardar. I tillegg har godseigar Cappelen på Ulefoss ei sentrale rolle i stykket. Han stiller blant anna skipet "Den gyldne måke" til rådvelde i jakta på skatten.

Fekk

På sjørøvarøya fekk jentene god hjelp av den mystiske fyren Al O`Malley og apane som han har budd saman med der i mange år. Enden på visa var at dei tre jentene fekk den verdfulle skatten. Dermed blei dei i stand til å restaurere vertshuset der rottene hadde herja.

Publikum kvitterte med enorme, og fortente, klappsalver til dei dyktige kulturskuleelevane.