Frøya valt til toårig fylkesverv: – Vil vera ei røyst for unge som ikkje tør å ta ordet sjølv
Plus
Frøya Sverresdotter Hatteberg (17) er leiar i Kvinnherad ungdomsråd. No er ho valt inn i Vestland ungdomsutval òg.
Fylkesting for ungdom (FFU) hadde møte i tre dagar på Scandic-hotellet på Flesland førre helg.
Frå Kvinnherad deltok Frøya Sverresdotter Hatteberg og Ammro Kordo frå Kvinnherad ungdomsråd. Bror til Frøya,Tord Sverresson Hatteberg, deltok som avtroppande varamedlem i Vestland ungdomsutval (VU).
Frøya Sverresdotter Hatteberg seier til Kvinnheringen at ho set pris på å bli valt til eit to-åring medlem. Alt neste veke skal VU ha presentasjon for fylkestinget.
– Ein pådrivar for meg i dette arbeidet er å vera ei røyst for unge som ikkje tør å ta ordet sjølv, seier ho.
Saker ho meiner er viktige å arbeida for er kollektivtransport og ungdomsbilletten, at alle ungdommar skal få læreplass, og sommarjobbar til ungdom.
Frøya set seg for tida inn i kva det vil seia å vera medlem i VU.
Under møtet sist helg var innlegg av fylkesdirektøren og fylkesvaraordføraren på programmet, i tillegg til debattar, sosiale aktivitetar. Ein viktig del var samtalar og samarbeid mellom representantar frå ulike kommunar.
Arealplanen: – Har blitt jobba dag og natt