Herold

I ei tid der vi stadig høyrer om kutt og nedlegging, må Voss herad krevja at Stortinget dekkjer desse gamle driftsutgiftene som til no har vore skjulte.

(Hordaland): Har du høyrt om premieavviket? Ikkje det. Då er du i selskap med dei fleste.

Premieavviket har ikkje noko med forsikringspremiane dine å gjera, men er eit avvik mellom det kommunane faktisk har betalt inn i tenestepensjon for kommunalt tilsette og det staten reelt har dekt.

Les også: Tusenvis tatt for pensjonsjuks – ingen straffes

Dette har balla på seg gjennom åra, og no skuldar staten kommunane til saman 66 milliardar kroner! For Voss herad er det snakk om vel 163 millionar.

Årsaka er ei ordning som vart innført i 2002 der kommunane sine pensjonskostnader vart stipulerte.

Ikkje uventa vart dei stipulerte utgiftene lågare enn dei reelle. I staden for å etterbetala differansen fortløpande, var det meininga at staten skulle betala beløpet gjennom såkalla amortisering (ein slags avdrag). Dette har likevel ikkje skjedd, og premieavviket har derfor berre auka i kommunesektoren. I praksis betyr dette at kommunane har ytt staten rentefrie lån!

Ordninga er svært øydeleggjande for styringa av kommunane sin økonomi.

Forholdet er underkommunisert, for å seia det mildt, men no har fleire kommunestyre reagert og sendt einstemmige vedtak eller fråsegner til Kommunenes Sentralforbund (KS), regjeringa og Stortinget.

Les også: KS slår tilbake mot Stoltenberg: – Svært alvorlig situasjon

I ei tid der vi stadig høyrer om kutt og nedlegging av sjukeheimsplasser, skuler og barnehagar, må Voss herad følgja opp og krevja at Stortinget dekkjer desse gamle driftsutgiftene som til no har vore skjulte!