No er det klart kven som skal byggja Offerdal kraftverk
Plus
Sognekraft har inngått avtale med Veidekke om å byggja Offerdal kraftverk i Årdal.
Målpriskontrakta er på om lag 525 millioner kroner.
– Dette er ofte svært omfattande og langsiktige prosjekt, og i Offerdal starta det med at me inngjekk avtalar med grunneigarane heilt tilbake til slutten av 1990-talet. Soknekraft kom på banen nokre år seinare og kjøpte størstedelen av prosjektet frå Veidekke. No er me veldig glade for kraftverket endeleg blir realiserte og at me kan føra vidare samarbeidet med Sognekraft frå bygginga av Feios kraftverk som akkurat er sett i drift, seier direktør Neal Nordahl i Veidekke Anlegg i ei pressemelding.
Gir løyve til å endra planane for Offerdal kraftverk
Konsernsjefen i Sognekraft: – Har vore babyen min sidan 2008
Offerdal kraftverk vil bidra med om lag 100 GWh ny fornybar energi årleg, noko som svarer til forbruket for omkring 6.000 husstandar.
– Me er svært glade for at me saman med Veidekke no kan setja i gang denne utbygginga. I ei tid der behovet for ny, regulerbar vasskraft aukar raskt, vil denne utbygginga vera eit viktig bidrag til kraftbalansen og samstundes skapt verdiskaping både lokalt og regionalt, seier konsernsjef Terje Bakke Nævdal i Sognekraft i pressemeldinga.
Sjølve bygginga startar etter planen i mai eller juni.