Herold

Det skal vera svært glatt på staden.

Like før klokka 18 melder vegvesenet om trafikkulukke på fylkesveg 55 i svingane ved Årøy.

Sogn Avis sin journalist på staden seier at det ser ut som ei front mot front-ulukke, og at trafikken passerer forbi.

110 Vest melder også om ulukka, og stadfestar at to bilar er involvert.

– To personbilar har treft kvarandre front i front. Ingen fastklemd og alle ute av bilane, skriv Trond Landaas ved 110-sentralen i loggen.

– Materielle skader og kjølevæske-lekkasje på bilane. Skal vera glatt på staden.

Kart: Her skjedde ulukka

Klokka 18:13 er ambulanse, legebil og brannvesen framme på staden. Trafikken går ikkje forbi, men det er folk på staden som tek seg av manuell dirigering. Like etter er politiet også kome fram.

Seinare melder vegvesenet av vegen er stengd grunna bilberging og rydding av veg.

Politiet har ikkje fått melding om personskadar.

– Det er to personar og ein hund involvert, og det ser ut som det går fint med begge to. Det er bestilt bilbergar til begge bilane, seier operasjonsleiar Terje Magnussen.

Klokka 22 er vegen open att.