Herold

Rådmannen fylgjer opp heradsstyret sitt pålegg og startar oreigningsprosess, men kvifor? Heradet har avtale om Bømoen flyplassen fram til 2073. Eit område er regulert til idrett, der luftsportinteresserte kan boltra seg. Har ikkje heradet då gjort sitt?

Er ikkje oreigning uansett berre eit steg på ein uavklart prosess? Om heradet får oreigna, er det då avklart kva som må skje vidare derifrå? Skal ein festa området vidare og i tilfelle til kven? Fallskjermklubben eller selskapet deira Fallskjermdrift AS, som kan driva kommersiell aktivitet?

I dag er det selskapet «Vestlandet Luftsportssenter AS» (VLAS) som har festeavtale for området. Dei har fylgjande føremål:«Direkte, eller indirekte gjennom eierskap eller annen form for samarbeid med eller deltakelse i andre organisasjoner, å legge til rette for og fremme idrett som aktivitet for innbyggere i Voss herad, på Vestlandet og i Norge for øvrig. Selskapet skal i første rekke drive virksomhet knyttet til luftsport på, men ikke begrenset til, Vestlandet, med utgangspunkt i Bømoen i Voss herad. Selskapet kan som en del av sin virksomhet drive lufttransport med passasjerer, samt utdanning og trening innenfor fallskjermhopping og andre luftsportaktiviteter.» (Ref. Proff.no)

Tek ein dette føremålet på alvor, er det nokon grunn til at ikkje fallskjermsesongen 2026 og vidare frametter, kan avviklast utan å oreigna?

VLAS har ikkje naudsynt kompetanse blir det hevda. Nei, selskap har førebels ingen tilsette og fylgjeleg heller ingen kompetanse. Men om fallskjermklubben tilbyr sin kompetanse og VLAS stiller med areal, er ein ikkje då tett ved å ha ei løysing?

Skal verkeleg Voss herad oreigna fordi desse partane ikkje har snakka saman?

Eg vil tru at det er vaksne resurssterke folk på begge sider, og då bør vel heradet kunna forventa at dei finn ut av dette utan at rådmannen og hans stab må bruka tid og pengar på oreigning?

Oreigning eller ikkje, fallskjermklubben kan uansett ikkje driva som før området vart regulert. Rådmannen og hans stab må uansett passa på at området blir bruk til idrett og ikkje til t.d. overnatting.

Vestlandet Luftsportssenter om fallskjermklubben: – Ingen dører er lukka

Flage og Løne mot Bømoen AS i retten: Står om mange millionar

Vil ha kontroll på grunnen før rettsrunde: – Hastar for heradet å få tilgang til idrettsområdet

Tonje og Benedicte jobbar saman om den vanskelege saka. – Når me er ferdige kan me tilby parterapi

Historia om Bømoen - Episode 12