Herold

Julian Lægreid har skrive sin første A-lagskontrakt med Brann.

Den nye avtalen gjeld ut 2027, skriv sportsklubben på nettsida si.

– Det kjennast godt å ha signert for Noregs største klubb. Dette har eg jobba mot dei tre åra eg har vore her, seier Lægreid til brann.no.

Angrepsspelaren, som nett fylte 19 år, signerte for Brann som 15-åring tilbake i 2022. Han kom til Brann frå Årdal FK, og har også spelt for Jotun i heimbygda. Han har etter overgangen gått gradene i Brann-Akademiet.

– Julian har vore med oss i tre år no, og har trass i ein skade som heldt han ute lenge hatt god utvikling. Det siste året har han vore meir og meir saman med A-laget, og har gjennom prestasjonane sine der gjort seg fortent til ein A-lagskontrakt, seier sportsleg leiar Per-Ove Ludvigsen.