Herold

Aurland kommune har merka flotte parkeringsplassar rundt om i samband med innføring av parkeringsavgift. Det er handikapparkering nær butikkar og jarnbanestasjonen i Flåm.

No er det diverre ulovleg parkering som føregår. Dei som treng desse plassane med gyldig bevis får ikkje parkere der og må gjerne utsette handlinga.

Eg har vakse opp i Stavanger og ser at folk respekterer handikapparkeringa, men det skjer diverre ikkje i Aurland. Min onkel har hatt handikapbevis i mange tiår og har ikkje hatt problem i Stavanger at andre bruker handikapparkeringane. Eg må gå kanskje fleire hundre meter i byane. Parkerer aldri på handikapparkeringa uansett.

No den 10. mars var eg vitne til ein svært uheldig situasjon der ein bil hadde parkert på handikapplassen utafor Spar. Han bad om unnskyldning før han skjelte ut han som hadde rett til å parkere der.

Det er også svært ugunstig å skjelle ut nokon når det er vedkomande som har gjort feil. Korleis skulle det teke seg ut om me hadde gjort noko ulovleg som å køyre for fort eller på raudt lys og so skjelle ut politiet etter først å ha sagt unnskyld.

Ein person som får tildelt handikapbevis har ein svært god grunn fordi dei har store utfordringar med å gå. Me andre har godt av å gå litt, og her i Aurland er det svært mange alternativ parkeringar som å gå kanskje 30–50 meter ekstra. Særleg no på denne årstida.

Eg meiner at diverre so er det berre bøtelegging som vil hjelpe og oppfordrar at det vert igangsett. Kommunen får gode inntekter frå parkeringa.

Har i dag 13.03.26 vore i kontakt med Aurland kommune og fått vite at parkeringsvakter skal få myndigheit til å gje bøter etter gjennomgått kurs. Dette vil antakeleg skje i løpet av april 2026.

So no er det berre å halde seg vekke frå handikap-parkeringa for alle andre enn dei som har handikap-løyve om ikkje so risikerer ein velfortent bot.