Herold

Torsdag ettermiddag melder Vegvesenet om ei trafikkulukke på E16.

Dette skal ha skjedd ved Kleinslåttunnelen i Vaksdal kommune.

Dei skriv at eit køyrefelt er påverka som fylgje av ulukka. Meldinga kom klokka 15.46.

Trafikkoperatør i Statens vegvesen, Ken Ove Holm, seier at meldinga gjekk ut på ein mogleg påkøyrsel bakfrå.

– Me har ikkje fått tilbakemelding frå staden enno. Det er eitt felt som er påverka. Det er ikkje heilt sperra, men det vil skapa litt kø i ein retning, seier han.

Klokka 16.30 er meldinga om at eine køyrefeltet er påverka vekke, og hendinga er såleis rekna for å vera over.

Kart med ID 500977