Herold

Etter ein kald vinter er pollensesongen omsider i gang, og allergikarar bør følgja med på pollenvarslinga framover.

– Målingane våre viser at pollensesongen no har starta. Som vanleg byrjar spreiinga langs kysten i vest før han gradvis breier seg vidare til Sør- og Austlandet, seier Hallvard Ramfjord, seniorforskar hos Norges Astma- og Allergiforbund (NAAF), i ei pressemelding.

Sjølv om Naafs pollenmålingar startar tidleg på året, er det først no det blir registrert tydeleg spreiing av orepollen. Sesongen i år startar noko seinare enn normalt, då ein kald vinter har forseinka modninga.

Dei nyaste målingane viser moderat spreiing av orepollen på Vestlandet, medan det førebels berre er registrert sporadiske enkeltkorn av or og hassel i Oslo. Det er varsla periodar med nedbør over store delar av Vestlandet, som kan bidra til å dempa spreiinga noko.

– Sjølv om nivåa framleis er låge mange stader, er dette eit signal til allergikarar om å følgja med på pollenvarslinga framover, seier Ramfjord.

(©NPK)