Herold

– Modellen gir grunnlag for stabil og berekraftig drift, meiner skipsverftet i Leirvik.

Tersan Havyard og Fjord1 har signert kontrakt for ombygging av tre ferjer.

Det melder skipsverftet i ei pressemelding.

Det gjeld ferjene MF Losna, MF Hornelen og MF Nordfjord. Det skal bli oppgradert for å møte dei nye miljøkrava til Vestland fylkeskommune i komande samband.

«Desse krava er ein del av ei større omstilling til meir miljøvennleg teknologi og styrkjer posisjonen til verftet innan grøn omstilling og berekraftige maritime løysingar», skriv Havyard.

Dei blir bygd om til hybridelektrisk drift.

Selskapet meiner modellen som kombinasjonsverft med både nybygg og service- og ombyggingsaktivitet gir grunnlag for ein stabil og berekraftig drift.

Ferjene går i dag i ordinær rute mellom Måløy, Husevågøy og Oldeide i Ytre Nordfjord.

Samarbeidet mellom Fjord1 og Tersan Havyard strekk seg over mange år og omfattar 13 nybygg, i tillegg til ei rekke serviceoppdrag og ombyggingar.

Må ta leiarjobben for tredje gong: – Kvir meg ikkje!

Havyard går 21 millionar i minus – men har no levert første båten

Industriherren i Bygstad