Herold

Felleskjøpet Agri set salet av mineralgjødsel på pause frå tysdag kveld. Årsaka er den pågåande krigen i Midtøsten, som skaper usikkerheit rundt forsyningar og priser.

NATIONEN: Felleskjøpet Agri stoppar mellombels salet av mineralgjødsel frå og med tysdag 3. mars klokka 19.00. Årsaka er den pågåande uroa og krigen i Midtøsten, ein region som er sentral for global forsyning av naturgass og nitrogenhaldig gjødsel.

– Situasjonen er per no uoversiktleg og kan skape raske og uventa bevegelsar i marknaden. For å sikre kontroll på forsyningar og innkjøpsprisar vel vi derfor å sette salet på pause inntil vidare, seier Bjørn Stabbetorp, konserndirektør Landbruk i Felleskjøpet.

Leverer det som er bestilt

Felleskjøpet har etablert sentral beredskap og følger utviklinga tett. Salet vil bli gjenopptatt når situasjonen rundt pris og tilgang har stabilisert seg.

– Vi har gjødsel på lager og leverer til kundar som allereie har bestilt, i tråd med den kapasiteten vi har. Den mellombelse salgsstansen gjeld nye bestillingar, og påverkar ikkje inngåtte avtalar. Vi jobbar fortløpande for å sikre god og effektiv utlevering i ein travel periode, seier Stabbetorp til Nationen.

– Korleis vil det påverke våronna?

–Vi har forståing for at tidspunktet kan opplevast krevjande, sidan vi er på veg inn i ein viktig periode for mange. Målet med den mellombelse salgsstansen er nettopp å sikre kontroll på pris og tilgang, slik at vi kan ta opp att salet på et meir føreseieleg grunnlag, påpeiker han.

Han seier ambisjon er å bidra til at bøndene får det dei treng til rett tid.

– Vi anbefaler tett dialog med lokal rådgjevar for planlegging av våronna i den situasjonen som nå er.

– Situasjonen er per no uoversiktleg og kan skape raske og uforutsatte bevegelsar i marknaden. For å sikre kontroll på forsyningar og innkjøpsprisar vel vi derfor å sette salet på pause inntil vidare, seier Torgeir Erfjord, direktør Landbruk.

I pressemeldinga skriv dei at: «Vi har gjødsel på lager og leverer til kundar som allereie har bestilt, i tråd med den kapasiteten vi har. Den mellombelse salgsstansen gjeld nye bestillingar, og påverkar ikkje inngåtte avtaler. Vi jobbar fortløpande for å sikre god og effektiv utlevering i ein travel periode».

Yara: Ekstraordinære marknadssituasjonen

Hilde Mosand, marknadsdirektør i Yara Norge, seier avgjerder knytt til sal ligg hos den enkelte aktør.

– Den ekstraordinære marknadssituasjonen vi nå ser, skaper stor usikkerheit for alle aktørar. Vi er i dialog med våre kundar om korleis dette håndteres vidare innanfor avtalte rammer.

Dei tilsette på Felleskjøpet veit å setje pris på butikksjefen sin