Herold

Statens vegvesen treng både måndag og tysdag til arbeid i terrenget i samband med skredet ved E134 Fjæra i Etne.

Løsneområdet ligg 400 høgdemeter over havet i ei bratt fjellside. Det er krevjande å etablere tilkomst med tau frå toppen av fjellet og ned til løsneområdet.

– Tilkomsten med tau er frå om lag 100 meter over staden det har losna. Å få etablert den er eit arbeid som er krevjande og som må gjerast i tråd med det viktigaste prinsippet for Statens vegvesen, nemleg sikkerheit, seier avdelingsdirektør Svenn Finden i ei pressemelding.

– Når vi har trygg tilkomst til løsneområdet, får vi oversikt slik at vi kan planlegge vidare tiltak, legg Finden til.

Skredet skuldast langvarig forvitring og destabilisering av fjellet, blir det opplyst i pressemeldinga.

Det er framleis usikkert når vegen kan opne. Onsdag er framleis sett som tidspunkt for ny vurdering.

Det er omfattande skadar på vegen. Statens vegvesen vil opna vegen så snart det er trygt, truleg med styrt trafikkavvikling.

Noko av reparasjonane på vegen kan truleg takast i løpet av kort tid. Noko må takast på et seinare tidspunkt, skriv Vegvesenet.

Omkøyringsveg er etablert på rv. 13. Ferja Hjelmeland – Nesvik går døgnet rundt dei to neste nettene.

– Vurder nøye dei omkøyringsalternativa du kan ha, og kan ta

Omkjøring for Haukeliekspressen: – Holdeplasser mellom Ølen Terminal og Seljestad blir ikke betjent