Herold

Ferske tal viser store skilnadar mellom kommunane. Samstundes er det like mange stillingar som det arbeidsledige i fylket.

I februar er 1,8 prosent av arbeidsstyrken i Vestland registrert som arbeidsledige, melder NAV. Det er under landssnittet på 2,2 prosent. Samstundes er det over 6 500 ledige stillingar, så vidt meir enn talet ledige.

– Det er låg arbeidsløyse og høg etterspurnad etter arbeidskraft i Vestland. Det betyr at både bedrifter og kommunar må tenkja nytt om rekruttering, seier fylkesdirektør Bjarte Hysing-Olsen i Nav Vestland.

Her i Sogn er det relativt sett flest arbeidsledige i Aurland, medan Lærdal utmerkjer seg i den positive enden av skalaen. Nedst i saka kan du sjå heile statistikken for Sogn i februar.

Sterk oppmoding

Over tusen av dei ledige stillingane i fylket er sommarjobbar. Ifølgje Nav-direktøren er tilsetting av sommarvikarar ein gyllen måte å sikra seg framtidas arbeidskraft på.

– No er tida for å lysa ut sommarjobbar, er oppmodinga hans.

Talet sommarjobbar er omtrent på nivå med i fjor. Hysing-Olsen skulle ønskt det var fleire og har lansert ein sommarjobbkampanje NHO, LO og Vestland fylkeskommune.

– Me oppmodar alle bedrifter og kommunar om å lysa ut dei ledige sommarjobbane på arbeidsplassen.no for å visa ungdommen at det er bruk for dei, seier Hysing-Olsen.

Smartembed for https://datawrapper.dwcdn.net/00GPA/1/ Smartembed for https://datawrapper.dwcdn.net/CO2VW/1/