Herold

Søndag kveld forsvann straumen frå store delar av Sunnfjord.

Klokka 22:09 blei det rapportert inn feil på straumnettet til BKK, som råka kundar frå Naustdal i vest til Jølster i aust. 2602 kundar mista straumen i starten, og tipsarar melde om helt mørklagde område i både Naustdal og Jølster.

Førde var også inkludert i det markerte området i BKK sitt straumbrotskart, men i Førde sentrum har det vore lys gjennom denne perioden.

Når klokka er 22:52 har over halvparten fått straumen tilbake. No er det delar av Jølster som framleis manglar straum, med 1150 råka kundar.

Arbeidet pågår enno, og feilen er forventa å vere retta innan 01:00 natt til måndag.