Herold

Er du klar for årets største paljett-bonanza? Her er oppskrifta på korleis du inviterer til ein perfekt MGP-finalekveld.

Her kan du laste ned poengskjema og printe ut!

Poengskjema

Oppskrifta og tipsa har vi fått frå P1-kommentator og MGP-entusiast Jon Marius Hyttebakk.

Han er nemleg ein av dei som elskar å lage til festar der glamouren sit laust.

Her er proffens beste råd for ei vellukka feiring:

Nei takk, taco

• Hald serveringa enkel (og dropp tacoen!): Ikkje overkompliser matvegen. Lett fingermat og snacks fungerer alltid best. Taco er strengt forbode – det blir rett og slett for mykje søl og styr midt under sendinga.
• Tips: Køyr gjerne tema! Sidan Eurovision vart halden i Wien i mai, kan du servere wienerpølser, wienerbrød og wiener melange.
• Om du absolutt vil ha taco, så får du eit godt tips til å unngå søl her: Taco i vaffeljern smaker kjempegodt, og det einaste du trenger er tacorestar! Du trenger javascript for å se video. Taco i vaffeljern smaker kjempegodt, og det einaste du trenger er tacorestar!

Glad i glitter

• Maksimalisme i pynt og tøy: Flagg, ballongar og paljettar er vegen å gå. Jo fleire flagg, jo betre!
• Gjestene bør oppmodast til å bruke glitter og paljettar, men ikkje gjer det obligatorisk – vi vil jo ikkje skremme bort dei mest alminnelege TV-sjåarane.

Fyll huset med ballongar, det er alltid stemning!

Print er fint

• Husk poengskjema og bingo: Ingen MGP-fest utan noko å notere på! Print ut poengskjema og bingokort til alle gjestene på førehand.
• Dette er ein sjølvskriven klassikar som held spenninga oppe gjennom alle bidraga.

Varm opp med video

• Bruk timane før sending til felles opplading. Sjå musikkvideoar av bidraga frå dei andre landa, eller ta eit nostalgisk tilbakeblikk i arkivet.
• Eit lite triks: Ikkje sjå finalebidraga rett før showet startar. Spar førsteinntrykket til artistane faktisk står på scena!
• Vis respekt for musikken: Når artistane opptrer, skal det heiast og jublast, men ikkje snakk om vêr og jobb!
• Legg bort telefonen (med mindre du skal stemme!), finn fram poengskjemaet og bli med på moroa.
• Hugs: Har du ikkje fått minst éin naboklage for støy i løpet av kvelden, har du gjort noko feil!

Her kan du laste ned poengskjema og printe ut!

Poengskjema