Herold

Er du fotballinteressert, og ser fram til å få med deg flest mogleg av VM-kampane i sommar? Kanskje det kan verta eit praktisk problem at direktesendingane frå USA går om natta norsk tid? Du er ikkje åleine om å uroa deg over det; statsminister Støre og helseminister Vestre har grubla mykje på kva som skal til for å sikra sjåarane stort utbyte og god stemning under kampane. Det smartaste dei kunne koma på, var å fremja forslag om at skjenkestadane i den perioden får lov til å servera gjestene alkohol tre timar lenger enn normalt, det vil seia heilt fram til kl 6 på morgonkvisten!

«Folk skal få drikke ølen ferdig til fløyta går!»

Dei strekar under at regjeringa her har vore opptekne av «å finne en praktisk, trygg og forsvarlig løsning».

«Det har blitt en del av norsk kultur å se fotball sammen, og vi må legge til rette for at den folkefesten også kan pågå om natta».

WHO peikar på at avgrensing av tilgang er ein av dei tre viktigaste faktorane som reduserer alkoholbruken og dermed også skadeomfanget. Kommunar som reduserer skjenketida , ser ein tydeleg nedgang i utelivs-vald. Ein auke av alkoholkonsum har negative konsekvensar for den enkelte, og fører ofte også til plager for tredjepart.

Det er ikkje alle som har like god grunn til å gle seg til perioden 11. juni-19. juli dersom lovendringsforslaget går gjennom. Det er då ferietid for mange, og i alle fall for born. Dei to siste halvlitrane vil merkast både i by og bygd, i gatene og i drosjekøen. Og ikkje minst i heimane.

Når statsminister og helseminister så tydeleg signaliserer at (folke)fest =alkohol, må dei vera klare over at dei fullstendig overser konsekvensane for mange av dei mellom 50.000 og 150.000 borna som lid under dei vaksne sin alkoholbruk. Rusa foreldre er utrygge foreldre, og framstår ikkje som gode føredøme for born og ungdomar.

Vert det VM-fest på Voss?: – Det har eg ikkje tenkt på

Vossingar kosar seg i OL, men éin ting øydelegg for festen

Regjeringa legg fram banebrytande forslag før sommaren: – Sjansen er no

Endeleg avklaring for skjenkjeløyvet til Eyye – saka avgjort med stort fleirtal