Elden: Meiner grunnlaget for siktingane fell bort i saka mot Mona Juul og Terje Rød-Larsen
Siktinga framstår som så generell at den i praksis ikkje let seg imøtegå, seier advokatane Thomas Skjelbred og John Christian Elden i ei pressemelding. Dei representerer Mona Juul som er sikta for grov korrupsjon, og Terje Rød-Larsen som er sikta for medverknad til grov korrupsjon. Siktingane kom etter nye opplysningar frå dei siste offentleggjorde dokumenta frå Jeffrey Epstein-saka. Advokatane meiner det ikkje er grunnlag for korrupsjonsskuldingane. – Korrupsjon krev nødvendigvis at det finst ei stilling å knytte fordelen til. Når dette fell bort, fell også grunnlaget for korrupsjonsskuldingane bort. Både Juul og Rød-Larsen avviser skuld i saka. – Økokrim meiner det er skjelleg grunn til å mistenkja grov korrupsjon og medverking til dette. Siktingane er breitt utforma og kan gjelda mottak av utilbørlege førdeler over tid i høve stilling, seier førstestatsadvokat Marianne Bender i Økokrim til NTB.