Herold

Det regnar, og snø og is på bakken smeltar. Det gjer at det er fleire farevarsel på Vestlandet.

• Raudt farevarsel for snøskred

Onsdag gjekk snøskredvarselet for Indre Fjordane og Indre Sogn frå oransje til raudt nivå. Raudt nivå held fram torsdag og er det nest høgste nivået i snøskredvarslinga.

Det betyr at det er stor snøskredfare og at skred kan bli utløyste av seg sjølve. Mildvêrsgrensa er på rundt 1400 moh. Det er tilrådd å unngå skredterreng.

Natt til torsdag rasa det over E39 i Romarheimsdalen.

Snøskred i Romarheimsdalen

• Gult farevarsel for sørpe- og flaumskred

Det er også gult nivå for sørpe- og flaumskred i Sunnfjord kommune, Hyllestad, Høyanger, Gloppen, Stryn, Gulen Kinn, Askvoll, Fjaler og Nordfjordeid.

Frå natt til onsdag fram til fredag morgon er det venta opp mot 60–100 mm nedbør. Varmegrader og mykje vind smeltar snøen. Dette kan føre til sørpeskred, som ofte utviklar seg til flaumskred.

Dette betyr at utsette vegstrekningar kan bli stengde.

• Gult farevarsel for flaum

Det er gult farevarsel for flaum i heile Sogn og Fjordane. Som følge av regn og snøsmelting vil vassføringa auke i mindre bekkar og elvar. Det kan føre til lokal overfløyming.

Det er også fare for isgang og isproppar i elvane.

Det er tilrådd å reinse stikkrenner og kummer. Det kan også vere lurt å sikre og flytte verdiar vekk frå utsette område, som kjellar.

Stengd veg i Balestrand