Balejazz satsar breitt: – Ekstra glad for at det er så mange artistar frå Sogn og Fjordane
Plus
Balejazz har spikra årets program.
Ifølgje Sigurd Kvikne er det ein blanding av internasjonale røyster, og av unge og framstormande artistar.
Mange er godt kjende frå publikum frå før. Her blir det gjensyn med Sigrid Moldestad, ein salsavariant av Olav Stedje, Oddny, Silje Nergaard og Eva Weel Skram.
Sjangermessig satsar Balejazz på at det blir ein brei musikalsk meny: visepop, blues og kyrkjemusikk, samtidsjazz, salsa og americana.
– Det er variert med mange gode artistar i forskjellige sjangrar. Eg er også ekstra glad for at det er så mange artistar frå Sogn og Fjordane, seier festivalsjef Sigurd Kvikne i ei pressemelding.
Spesielle konsertar vil han ikkje peika ut.
– Men det hadde vore kjekt om folk slutta opp om unge, framstormande, lokale artistar som Oddny og We met in June.
I år går Balejazz av stabelen 8. - 9. mai.
Årets artistar er: Sigrid Moldestad Band, Kristin Asbjørnsen & Olav Torget, Arild Andersen, Kåre Kolve Quintet, Marius Neset Quintet, We Met In June, Lars Lillo Stenberg & Maridalen, Anita Nordheim Blues n' Groove Company, Eva and the Heartmaker, Oddny, Erlend Apneseth, Olav Stedje salsa med Sogndal Storband, Arild Andersen, Silje Nergaard.