Årsmøte i Molde Mållag

Du leser nå et leserinnlegg. Det uttrykker innsenderens mening.

Onsdag 11.februar vart det halde årsmøte i Molde Mållag i I lokala til Frivillighetssentralen. På årsmøtet blei årsmelding og rekneskap godkjent. Det vart valt nytt styre for 2026: Attval på leiaren Åse Marie Longva. Anne Hungnes og Anne Jorunn Oterhals var ikkje på val. Nye styremedlemer: Anne Marit Riste og Magne Krumsvik.

Heider og ære frå Molde Mållag gjekk til Arne Ruset. Han gav ut diktboka «Reisa til mjuk» i 2025. Ruset har gitt ut mange bøker, og i alle dei har han konsekvent halde seg til nynorsk skriftspråk. For han har det ikkje vore eit alternativ å skrive noko anna, for nynorsken ligg nær dialekta hans. Det var ein glad og takksam forfattar som mottok blomar, diplom og selbuvottar med hestemotiv. Hesten kjem att i bøkene hans som symbol og metafor. Molde Mållag har lenge merka seg forfattarskapen hans, og det er med stor respekt og glede å kunne gi Arne Ruset heider og ære.