I Molde har vi brukt årevis på å krangle og Vegvesenet har brukt opp mot 700 millionar på å planlegge Møreaksen.

Krangle, planlegge eller bygge tunell der folk bor?

Du leser nå et leserinnlegg. Det uttrykker innsenderens mening.

Tar vi med plankostnadane for Stadt skipstunell er vi på omlag ein milliard i kostnadar utan at våre samferdsle krav på Nordvestlandet er i nærheita av å bli vedtatt i eit budsjett.

I Harstad i Troms bygde Vegvesenet Harstadåstunellen på 1406 meter for kr 549 millioner i 2021, som ein del av Harstadpakken som omfattar fleire vegar og sykkel og gange. Tunellen står opp til forventinga om å få biltrafikk ut av sentrum og avlaste sentrumsgatene.

Les også:

Går vi til Austlandet stoppa Samferdsledepartementet i 2018, grunna høge kostnada, eit stort ferjefri prosjekt:

«– Det er viktig å løse trafikkutfordringene som ferjetrafikken skaper i Moss, men løsningen er ikke en ny runde om tunnel eller bru, eller begge deler, mellom Moss og Horten, sier utbyggingsdirektør Kjell Inge Davik i Statens vegvesen.»

Dette måtte seiast etter at både Moss Avis og NRK hadde meldt at det igjen kunne bli aktuelt med ferjefri forbindelse.

Les også:

Kva er det for krefter som heile tida får merksemd for gigantprosjekta sine i media? Eller er det media sjølv som spelar opp? Ikkje veit eg, men vi veit at:

-Lastebilnæringa vil ikkje ha desse undersjøiske tunellane

-Lastebilane treng gode vegar mellom ferjeleia og sjåførane vil ha mat og kaffe ombord

-Turistane vil ikkje ha dei

-Folk flest vil ha trygge kvardagsvegar, dvs godt brøyta og med gatelys

-Folk flest vil ha satsing på skikkelege sykkelvegar, gangvegar og snarvegar

Alt dette får vi mindre av om vi let folka bak gigantprosjekta ta alle pengane. Ei rask løysing for Molde er satsing på meir kollektivtrafikk og ta inn over oss ny teknologi som elsykkel og elsparkesykkel.

Flyttar ein ferjeleiet vest for Molde snakkar vi om ferjer som kan gå nærast heile tida og bytunnellen vil føre trafikken gjennom byen på ein god måte. For min del kan han gå til rundkjøringa på Lergrovik.

Elferjene berga delvis Molde og Vestnes kommune sitt klimabudsjett og er vår stoltheit. Det kjem dei til å vere i mange år framover. Klara vi å slutte å sløse bort pengane på planar kan vi få bytunell og flytte ferjeleiet.

Vil du skrive i På tråden? Send e-post til ordetfritt@r-b.no

Vil du skrive leserinnlegg? Send e-post til ordetfritt@r-b.no

Her finner du meningsstoffet i Nordvest debatt – Rbnetts meningsportal