Vi vert fortalt frå direktør og styreleder i Helse Midt-Norge at det er ei rettferdig fordeling av rammer til sjukehusa i Midt Norge.

St. Olavs og fattige Helse Møre og Romsdal

Du leser nå et leserinnlegg. Det uttrykker innsenderens mening.

Adm. dir. Frisch og styreleder Helse Midt-Norge Mjøen skriv i RB 18.des sitat "Vi vil minne om at St. Olavs Hospital tidligere var i samme situasjon som Helse Møre og Romsdal er i nå, og St. Olavs hospital gjennomgikk store omstillinger for å kunne oppnå positive resultater". Som nylig avgått avdelingssjef ved SNR vil eg komme med litt fakta om mitt fag: radiologi. Kvar står St. Olavs etter å ha gjennomgått store omstillinger.

Les også:

I heile 2025 utførte St. Olavs (inkludert Orkdal og Røros) 217 760 undersøkingar og Helse Møre og Romsdal 206 458. Lønnsbudsjett for fast lønn i samme periode, som seier noko om stillingsrammer: 2025 for Klinikk for bildediagnostikk ved St. Olavs var 270 319 tusen kroner og 149 035 for HMR.

St. Olavs utfører då 5,5% fleire undersøkelser enn HMR. Budsjettet til faste stillinger er 81,4 % større. Stillingsrammer ved St. Olavs er i dag dermed langt større enn i Møre og Romsdal i forhold til produksjon.

Er det grunnlag får ei så stor skeivfordeling av midler og rammer.

Møre og Romsdal har 3 akutt sjukehus, Sør-Trøndelag har 1. Vi har dette året flytta inn i nytt sjukehus på Hjelset som har gitt redusert drift. Når det gjelder tunge undersøkelser som CT og MR er det større produksjon i HMR enn ved St. Olavs: 64 966 mot 62 539. Med tanke på intervensjonar som også er personellkrevjande er St, Olav litt større 5 460 mot 4120.

Så er det eit argument om opplæringsarbeid. Her er det slik at dei små sjukehusa som regel gir opplæring til nybegynnere, medan St. Olavs i stor grad har erfarne leger i spesialisering, som kjem frå dei mindre sjukehusa, og som kan gå rett inn i produksjon med f.eks. ultralyd. Desse forholda skulle tale for at det skulle vere dyrare å drifte HMR enn St. Olavs.

På den andre sida har St. Olavs eit regionansvar.

St. Olavs har meirarbeid med regranskning av bilder og demonstrasjoner i forhold til oss. Dette er arbeid stort sett utført av legegruppa. Så har dei meir forskning enn oss, men dette vert i stor grad dekt av eigne midlar og løn via universitetet.

Uansett korleis ein kan snu og vende på dette driv HMR langt meir effektivt enn St. Olavs. Korleis er det mulig? Vi gransker fleire undersøkingar per lege enn ved St. Olav, vi er færre radiografar på labb, vi har gjennomført jobbglidning i større grad og har sannsynlig meir optimalisert arbeidsflyt.

Ved andre avdelingar som eg har litt kjennskap til er forholda tilsvarande: Medisinsk biokjemi, Mikrobiologi og Patologi. Det er langt fleire tilsette på St. Olavs i forhold til produksjon, enn hos oss. Pleiefaktor på sengepostane er også lavare enn på St. Olavs.

Dersom Helse Midt Norge skal spare penger burde ein starta med St. Olavs Hospital. Men slik er det ikkje! Det er Helse Møre og Romsdal som no skal ta ned budsjettet sitt og det kjennest urettferdig for tilsette og for pasienter. Det er litt rart at det å få eit nytt sjukehus på Hjelset og ei nødvendig opprustning i Ålesund vil måtte føre til redusert helsetilbud i vårt fylke.

Til deg som er pasient og opplever at vi i vårt fylke har det meir travelt og har mindre tid til å snakke med deg som pasient enn ved St. Olav så er nok det sant. No forstår du kanskje kvifor.

I debatten i NRK 12. februar påstod helseminister Vestre at Helse Møre og Romsdal har for mange tilsette. Kvar har han fått det frå, administrasjonen i Stjørdal? Helse Møre og Romsdal treng ikkje kriselån, men rettferdig fordeling av rammer.

Vil du skrive i På tråden? Send e-post til ordetfritt@r-b.no

Vil du skrive leserinnlegg? Send e-post til ordetfritt@r-b.no

Her finner du meningsstoffet i Nordvest debatt – Rbnetts meningsportal