Herold

Ved 23.30-tida torsdag kveld rykte naudetatane ut til Bryggen i Bergen etter melding om to personar i sjøen. Det viste seg etter kvart at ei kvinne hadde falle i vatnet, medan ein mann hadde hoppa etter for å hjelpe. – Begge fekk hjelp til å kome seg på land av politipatruljane som kom til staden, opplyser operasjonsleiar Bjarte Rebnord. Kvinna var først medvitslaus, men vart omtalt som vaken då ho vart teken med i ambulansen, ifølge politiet. – Mannen er køyrd til Bergen Legevakt for undersøking. Politiet melde om hendinga klokka 23.36 torsdag kveld.

Kvinne til sjukehus etter fall i sjøen i Bergen