Herold

Like før klokka 13.30 laurdag ettermiddag oppstod det eit uhell mellom to køyretøy i Knarvik.

– Hendinga skal ha skjedd i låg fart, var meldinga frå 110-sentralen.

Uhellet oppstod mellom to bilar, der den eine køyrde i den andre bakfrå i nærleiken av Juvikstølen i Knarvik.

Til saman skal tre personar vere involverte i uhellet der det ikkje skal ha vore snakk om personskader.

Kring klokka 13.40 blei det meldt om at all trafikk på staden var stansa i arbeidet med å rydde bilane bort. Stenginga førte til lange køer i området.

Klokka 14.40 kom meldinga om at staden var rydda. Trafikken går no som normalt.